Festival AntrosPinos 2010

Xa tan só queda un día para que dea comezo o Festival AntrosPinos 2010!!!

Esta fin de semana arranca o festival do Barbanza!! Dous días de festa, venres 30 e sábado 31 de xullo, en Taragoña (Rianxo).

Hai zona de acampada ampla con acceso a duchas e baños; comida e cea para o sábado: os e as festivaleiras poderán gozar de paella, churrasco, bocadillos variados, mexillóns...; e actividades diversas, entre as que se atopan xogos colectivos, un espectáculo de maxia e a FAPmatraquillada, que se trata dun percorrido en matraquillo polos principais locais da localidade acompañados de moita música (Gaiteir@s, pandeireteir@s...).

A entrada ao festival é de balde!

Os grupos deste Festival AntrosPinos 2010 son:

• A Compañía do Ruído
• Festicultores Troupe
• Os Cuchufellos
• Le Funky Style Brass
• Tiruleque
• A Banda da Balbina
• Estimaba que viñeras
• Falperrys

Alén do propio festival, ao longo do curso desenvolvemos actividades no concello de Rianxo, principalmente en Taragoña. Unha das tarefas que levamos a cabo e quizais coa que máis se nos identifica é a plantación de árbores autóctonas na zona habilitada para o festival, e é que o coidado do medio ambiente é un dos nosos principais obxectivos. Así, este ano no festival poderemos gozar dunha novidade: o FAPvaso, un vaso de plástico ríxido que por tan só 1€ acompañará ao seu propietario durante todo o festival, evitando crear lixo innecesario na contorna.